Për ne

Index Kosova, partner me BBSS Gallup International, është themeluar në vitin 2000, si kompania e parë private e pavarur, e hulumtimit të opinionit publik, mediave dhe tregut në Kosovë. Index Kosova është kompania e parë që ofron shërbime të hulumtimeve për klientët lokalë dhe ndërkombëtarë kudo në Kosovë.  

Sfera e shërbimeve që Index Kosova aktualisht ofron përmban hulumtime kuantitative (ad-hoc dhe të rregullta) sociale politike, të mediave dhe tregut, si dhe hulumtime kualitative. Index Kosova ofron gjithashtu hulumtime në mesin e minoriteteve etnike, ku hulumtimet në mesin e minoriteteve serbe menaxhohen dhe organizohen nga BBSS, përderisa minoritetet tjera mbulohen nga vetë Index Kosova.

Struktura dhe terreni

• 11 mbikëqyrës regjional
• mbi 100 intervistues të rregullt dhe plotësisht të trajnuar
• mbi 10 persona për futjen e të dhënave, plotësisht të trajnuar

Siguria e kualitetit

Index Kosova bën hulumtime në bazë të standardeve të kualitetit të njohura ndërkombëtarisht. Index Kosova punon në pajtim me Kodin ndërkombëtar të ESOMAR-it për zhvillimin e hulumtimeve të tregut dhe atyre sociale, si dhe me udhëzimet e kualitetit të përvetësuara nga ESOMAR, dhe me Standardet e kualitetit të Asociacionit Gallup International.

Të gjithë intervistuesit janë të trajnuar nga vetë kompania sipas standardeve ESOMAR.

Kontrolli i cilësisë përfshin kontrollimin me telefon dhe derë më derë nga mbikëqyrësit regjional, të së paku 15% të respondentëve.

Kontrolli i cilësisë përqendrohet në çështjet themelore në vijim:

• Verifikimi i respondentit
• Zëvendësimet/numri i respondentëve të pa-kontaktuar
• Numri i refuzimeve
• Koha dhe kohëzgjatja e intervistës
• Modelet e përgjigjeve të respondentëve
• Menaxhimi i intervistës (nxitjet, pyetjet filtruese, kartelat)
• Përqindjet e "Nuk di/pa përgjigje"
• Të dhënat e mangëta dhe kontradiktore
• Pyetjet e hapura (Lexueshmëria dhe niveli i detajeve)

BBSS (Balkan British Social Surveys) është anëtar i plotë i Asociacionit Gallup International.

BBSS ka themeluar kompani partnere dhe anëtare me bazë në Rumani (CSOP), Moldavi (CBS Axa), Serbi (TNS Medium Gallup), Maqedoni (Brima), Bosnjë & Hercegovinë (Mareco Index Bosnia), Shqipëri (Index Albania), dhe në Kosovë (Index Kosova).

BBSS është një partner i Taylor Nelson Sofres (TNS Global), ofruesi i hulumtimeve të tregut dhe mediave numër një në Evropë, e radhitur në vendin e katërt në industrinë botërore.